ABŞ məhkəməsi Trampın toxunulmazlıq hüququnu tanıdı
İyulun 1-də ABŞ Ali Məhkəməsi keçmiş Amerika lideri və prezidentliyə namizəd Donald Trampın cinayət təqibindən qismən toxunulmazlıq hüququnu tanıyıb.
Redaktor.az "Reuters"ə istinadən xəbər verir ki, altıya qarşı üç səslə qəbul edilən qərarda Trampın dövlət başçısı kimi rəsmi hərəkətlərinə görə cavabdeh ola bilməyəcəyinə dair qərar verilib, lakin onun şəxsi hərəkətlərinə görə mümkün məsuliyyətinə toxunulmayıb.
“Prezidentin əsas konstitusiya səlahiyyətlərini həyata keçirməsinə gəlincə, bu toxunulmazlıq mütləq olmalıdır”,- deyə baş hakim Con Roberts bildirib.
O, aşağı məhkəmənin Trampın 2020-ci ildə hakimiyyəti saxlamaq üçün iddia edilən səyləri ilə bağlı təqiblərdən azad olmadığına dair qərarını ləğv edib.
İndi iş yeni məhkəmə baxışı üçün qaytarılacaq.
Trampın özü Ali Məhkəmənin nəticələrini ABŞ-ın “Konstitusiya və demokratiyanın böyük qələbəsi” adlandırıb.
Sultan AYXAN
Bizi Telegram-da izləyin...
