Ukraynada hərbi xidmətə yararlı 1 milyona yaxın kişi "YOXA ÇIXIB"...
Ukraynada hərbi yaşda olan 1 milyona yaxın kişininharada olması barədə heç nə məlum deyil.
Redaktor.az xəbər verir ki, bu barədə Ali Radanın İqtisadi İnkişaf Komitəsinin sədri Dmitri Nataluxa bildirib.
“Səfərbərlik ehtiyatı və ümumilikdə potensialın təhlili zamanı biz müəyyən etdik ki, bir milyondan bir qədər az hərbi yaşda olan 938 min kişinin aqibətindən xəbərsizik”,- o, Ukrayna İctimai Radiosunun "YouTube" kanalında yayımlanan videoda bildirib.
Deputat izah edib ki, bu insanlar boz zonadadırlar, rəsmi işləmirlər, xaricə getməyiblər və təhsil almırlar:
"Rəsmi iqtisadiyyat üçün onlar tamamilə faydasızdır. Onları tapmaq adi bir işdir, lakin bunun üçün resurslar sərf etməlisiniz" dedi.
Nataluxa bildirib ki, mövcud məlumatlara əsasən, 25-59 yaş arası, yəni səfərbərliyə yararlı olan ukraynalıların sayı 12 milyondan bir qədər çoxdur, lakin onlardan neçəsinin həbsdə olması barədə dəqiq məlumat yoxdur.
Onun sözlərinə görə, bu 12 milyondan təxminən 1,5 milyon nəfər əlil ola bilər: "Kişilərin bəziləri xaricə gedib, bəziləri isə artıq Ukrayna Silahlı Qüvvələrinə çağırılıb".
Sultan AYXAN
Bizi Telegram-da izləyin...
