Sürücünü dişləyən donuz qəzaya səbəb oldu - VİDEO
Rusiyanın Voronej vilayətində qeyri-adi qəza baş verib.
Redaktor.az xəbər verir ki, hadisə şahidlərinin sözlərinə görə, qəzaya avtomobilin içərisində olan donuz səbəb olub.
Beləki, Voronej vilayətinin Troitski kəndində “VAZ-2101” markalı minik avtomobili dirəyə çırpılıb.
Məlum olub ki, buna səbəb sürücü və dostunun pula qənaət etmək üçün maşında apardığı donuz olub.
İki yerli sakin bir donuz alıb və nəqliyyata qənaət etmək üçün onu öz avtomobilləri ilə evlərinə aparmaq qərarına gəliblər, lakin o, sürücünü dişləyib.
Donuzun dişləməsindən özünü itirən sürücü maşını yolun kənarındakı dirəyə çırpıb. Ağır xəsarət alan sürücü dirəyin təmiri üçün 150 min rubl ( 300 manat) cərimə də ödəyib.
Sultan AYXAN
Bizi Telegram-da izləyin...
