ABŞ Gürcüstanda hakimiyyət dəyişikliyi PLANLAŞDIRIR

 11:51 09.07.2024     313

Vaşinqton oktyabrın 26-da keçiriləcək parlament seçkilərinin nəticələrinə görə hakimiyyət dəyişikliyinə nail olmaqda qərarlıdır.

Redaktor.az TASS-a istinadən xəbər verir ki, bu barədə Rusiya Federasiyası Xarici Kəşfiyyat Xidmətinin  mətbuat bürosundan daxil olan məlumatda deyilir.

“Vaşinqton bu il oktyabrın 26-da ölkədə keçiriləcək parlament seçkilərində hakim “Gürcü Arzusu” partiyasını gözdən salmaq üçün genişmiqyaslı kampaniya hazırlayıb. Əsas rolu ABŞ mediasına müsahibə verən Gürcüstan Prezidenti Salome Zurabişvili oynayacaq. O, hökuməti Gürcüstanın Aİ-yə daxil olması ilə bağlı danışıqları deqradasiyaya uğratmaqda günahlandıracaq. O, həmçinin "Moskva ilə yaxınlaşmanın fəlakətli nəticələri" barədə xəbərdarlıq edəcək",- mətbuat bürosunun məlumatında bildirilir.

Sultan AYXAN