Türkiyə Rusiya və Ukrayna ilə taxıl dəhlizinin yenidən açılmasını müzakirə etdi
Türkiyə Prezidenti Rəcəb Tayyib Ərdoğan Rusiya və Ukrayna liderləri ilə Qara Dəniz Taxıl Təşəbbüsünün bərpası ilə bağlı danışıqlar apardığını, lakin hələlik nəticə olmadığını bildirib.
Redaktor.az xəbər verir ki, Türkiyə lideri barədə ABŞ-da keçirilən NATO sammitindən qayıdarkən jurnalistlərə verdiyi açıqlamada bildirib.
“Taxıl dəhlizinin yenidən açılmasını təklif edirik və indi bu barədə həm Rusiya, həm də Ukrayna ilə danışıqlar aparırıq. Mövcud məsələ ilə bağlı hələlik heç bir nəticə əldə etməmişik. Rusiya Prezidenti Vladimir Putinlə sonuncu görüşüm də buna həsr olunmuşdu.
NATO sammitində Ukrayna Prezidenti Volodimir Zelenski ilə də məsələni müzakirə etdik. Biz Ukrayna tərəfi ilə taxıl dəhlizi boyunca işləmək istəyirik. Ümid edirəm ki, biz bu dəhlizdən yenidən istifadəyə edə biləcəyik”, – deyə, o qeyd edib.
Türkiyə lideri, həmçinin rəsmi Ankaranın Qara Dəniz Taxıl Təşəbbüsünün qüvvədə olduğu müddətdə ədalətli addımlar atdığını xatırladıb.
“Biz həm Rusiyanın, həm də Ukraynanın tələblərini yerinə yetirmişik. İndi biz taxıl dəhlizinin yenidən açılmasını təklif edirik”.
Bizi Telegram-da izləyin...
