Ərdoğan Trampa qarşı sui-qəsddən yazdı
“ABŞ-nin prezidentliyə namizədi cənab Donald Trampa qarşı sui-qəsd cəhdini qətiyyətlə pisləyirəm”.
Redaktor.az-ın məlumatına görə, bunu Türkiyə Prezidenti Rəcəb Tayyib Ərdoğan “X” sosial şəbəkəsindəki paylaşımında yazıb.
“Cənab Trampa, onun ailəsinə və yaxınlarına ən səmimi arzularımı çatdırıram. İnanıram ki, ABŞ seçkilərinə və qlobal sabitliyə kölgə salmamaq üçün hücumun təhqiqatı ən effektiv şəkildə aparılacaq, onu törədənlər və təhrik edənlər ən qısa zamanda ədalət qarşısında cavab verəcəklər. Türkiyə olaraq dost və müttəfiq ABŞ xalqının yanında olacağıq”.
Xatırladaq ki, ABŞ prezidentliyinə namizəd Donald Tramp Pensilvaniyada keçirilən çıxışı zamanı sui-qəsdə məruz qalıb.
Bizi Telegram-da izləyin...
