İsrail Qəzzada evləri hədəfə ALDI
İsrailin Qəzza zolağına hücumu nəticəsində 16 fələstinli həlak olub.
Redaktor.az xəbər verir ki, bu barədə Fələstinin rəsmi agentliyi WAFA məlumat yayıb.
Məlumata görə, İsrailin Qəzza zolağının mərkəzi hissəsindəki Nusayrat Qaçqınlar Düşərgəsində fələstinli Əbu Şekyan, Əl-Bureyc Qaçqınlar Düşərgəsində Əbu Hüseyn ailəsinə məxsus evi bombalayıb.
İsrail ordusu gecə boyu Qəzza zolağının cənubunda yerləşən Xan Yunis və Rəfah şəhərlərindəki mülki yaşayış məntəqələrini də hədəf alıb. Nəticədə 16 nəfər həlak olub.
Xatırladaq ki, İsrailin 7 oktyabrdan bəri Qəzza zolağına təşkil etdiyi hücumlarda 16 mindən çox uşaq, 10 mindən çoxu qadın olmaqla 38 min 848 fələstinli həyatını itirib, 89 min 459 nəfər isə yaralanıb.
Türkan İSGƏNDƏRLİ
Bizi Telegram-da izləyin...
