ABŞ və Böyük Britaniya Yəmənə zərbələr endirdi
ABŞ və Böyük Britaniya Yəmənin şimal-qərbindəki Həccə və Hodeyda əyalətlərinə aviazərbələr endirib.
Redaktor.az xəbər verir ki, bu barədə husilərə məxsus “Al Masirah” telekanalı məlumat yayıb.
Ümumilikdə dörd hava zərbəsi endirilib. Tələfat və dağıntılar barədə məlumat verilmir.
Bir gün əvvəl İsrail Müdafiə Qüvvələri Hodeyda limanına hücum edib.
Qəzza zolağında münaqişənin şiddətlənməsindən sonra husilər xəbərdarlıq edib ki, İsraili atəşə tutacaq və əməliyyatlar dayandırılana qədər gəmilərin Qırmızı dəniz və Bab əl-Məndəb boğazı sularından keçməsinə icazə verməyəcək. 2023-cü ilin noyabrından husilər Qırmızı dəniz və Ədən körfəzində onlarla mülki gəmiyə hücum edib.
Buna cavab olaraq, ABŞ Qırmızı dənizdə naviqasiya azadlığını təmin etmək və gəmiləri qorumaq üçün beynəlxalq koalisiyanın yaradıldığını və “Prosperity Guardian” əməliyyatına başladığını elan edib.
Bizi Telegram-da izləyin...
