ABŞ Almaniyada uzun mənzilli raketlər yerləşdirəcək
Almaniya kansleri Olaf Şolz 2026-cı ildən Almaniya ərazisində Amerika raketlərinin yerləşdirilməsinə qarşı çıxmadığını bildirib.
Redaktor.az xəbər verir ki, onun sözlərinə görə, Amerika raketlərinin yerləşdirilməsinin qarşısını almaq üçün Rusiya Ukraynadakı münaqişəyə son qoymalıdır.
"Rusiyanın etməli olduğu ilk şey Ukraynaya qarşı dəhşətli təcavüzkar müharibəni dayandırmaq və bütün ölkəni fəth etmək cəhdlərindən əl çəkməkdir", - Şolz Berlində yay mətbuat konfransında jurnalistlərə bununla bağlı sualı cavablandırıb.
Eyni zamanda, kansler ABŞ raketlərinin Almaniyada yerləşdirilməsi qərarının müharibə olmaması üçün verildiyini müdafiə edib.
“Bizim uzun mənzilli eləcə də qanadlı raketlərə ehtiyacımız var”,- o əlavə edib.
Sultan AYXAN
Bizi Telegram-da izləyin...
