Balina balıqçı gəmisini aşırdı - VİDEO
ABŞ-da balina sudan tullanaraq ekipajı ilə birlikdə balıqçı gəmisini aşırıb.
Redaktor.az xəbər verir ki, bu barədə "Fox News" məlumat yayıb.
Hadisə Nyu-Hempşir ştatının Portsmut limanında baş verib. Balıq tutan iki gənc yaxınlıqdakı gəminin balina tərəfindən aşırılmasını lentəalıb.
Kadrlarda dəniz heyvanının sudan çıxması və balıqçı qayığına çırpılması nəticəsində qayığın güclü şəkildə əyilməsi əks olunub.
"CBS News"un məlumatına görə, hadisə zamanı iki ekipaj üzvü suya düşüb. Onlardan biri qayıq nəhayət çevrilməmişdən əvvəl su səthinə çıxa bilib. Digəri toqquşma anında gəmidən tullanıb.
Kişilərin cəmi bir dəqiqə suda qaldıqları da qeyd edilir. Onlar tez xilas edilib.
Sahil Mühafizəsi də qayığın zədələnmədiyini bildirib.
Sultan AYXAN
Bizi Telegram-da izləyin...
