"Dünən onun qalib əlini qaldırdım və bu gün onu çiyinlərimdə dəfn etməliyəm" - Pezeşkian
"Bu gün əziz İran öz kədər və sevincinin şəriki, müqavimət yolunun daimi və şərəfli yoldaşı, Fələstin müqavimətinin cəsur lideri, Qüds şəhidi Hacı İsmayıl Haniyə üçün matəmdədir".
Redaktor.az xəbər verir ki, bunu İran Prezidenti Məsud Pezeşkian HƏMAS Siyasi Bürosunun sədri İsmayıl Haniyənin qətli ilə bağlı "X" hesabında paylaşımında bildirib.
"Dünən onun qalib əlini qaldırdım və bu gün onu çiyinlərimdə dəfn etməliyəm. Qürurlu İran və Fələstin xalqı arasındakı bağ əvvəlkindən daha möhkəm olacaq və məzlumların müqavimət və müdafiə yolu hər zamankından daha güclü davam edəcək. İran İslam Respublikası öz ərazi bütövlüyünü, şərəfini qoruyacaq və terrorçu işğalçıları qorxaq əməllərinə görə peşman edəcək", - deyə İran Prezidenti bildirib.
Xatırladaq ki, bu gün səhər tezdən HƏMAS lideri İsmayıl Haniyə İranın paytaxtı Tehranda sui-qəsd nəticəsində öldürülüb. O, Tehrana Məsud Pezeşkianın inauqrasiya mərasimində iştirak etmək üçün gəlmişdi.
T.İSMAYIL
امروز ایران عزیز به سوگ شریک غم و شادی خود، همراه همیشگی و پرافتخار راه مقاومت، رهبر شجاع مقاومت فلسطین، شهید القدس، حاج اسماعیل هنیه نشسته است. دیروز دست فاتح او را بالا بردم و امروز باید بر روی شانههایم او را تشییع کنم.
— Masoud Pezeshkian (@drpezeshkian) July 31, 2024
شهادت هنر مردان خدا است. پیوند دو ملت سربلند ایران و… pic.twitter.com/s6eqHX78a8