Dünyanın hər yeri YANIR - İspaniya, İtaliya, Boliviya...
Həddindən artıq istilər qlobal miqyasda meşə yanğınlarına səbəb olub. Dünyanın hər yerində baş verən yanğınlar minlərlə hektar ərazinin yanaraq külə dönməsilə nəticələnib. İspaniya, İtaliya, Boliviya...
Redaktor.az xəbər verir ki, İspaniyada yayın üçüncü isti dalğası ilə əlaqədar ölkənin bir çox yerlərində temperatur 40 dərəcədən yuxarıdır. “Valverdeho” bölgəsində baş verən meşə yanğınında isə 1500 hektar ərazi məhv olub. Alovlara havadan və qurudan müdaxilə edilir.
İtaliyanın paytaxtı Romada da yanğın panikası yaşanır. Ədalət Məhkəməsi və RAI dövlət televiziyasının qərargahı yaxınlığındakı təpədə yanğın baş verib. Göy üzünü tüstü bürüyüb. Ərazidə yaşayan insanlar tüstüdən təsirlənməmək üçün maska taxıblar. Bəzi binalar boşaldılıb.
Latın Amerikası ölkəsi Boliviya da həyəcan təbili çalır. Bəzi ərazilərdə 20 gündən artıqdır ki, yanğınlar davam edir. Avadanlıq olmadığından alovla süpürgə ilə mübarizə aparılır. Santa Kruz bölgəsində fövqəladə vəziyyət elan edilib. Vəziyyət dekabrın 30-dək davam edəcək. İndiyədək yanğın törətməkdə şübhəli bilinən 9 nəfər saxlanılıb.
Sevinc İBRAHİMZADƏ
Bizi Telegram-da izləyin...
