Britaniyada radikallar miqrantları yandırmaq İSTƏDİLƏR
İfrat sağçılar Böyük Britaniyanın Roterham şəhərində qanunsuz mühacirlərin müvəqqəti yaşadığı “Holiday Inn Express” otelini yandırmağa cəhd ediblər.
Redaktor.az xəbər verir ki, bu barədə "Sky News" məlumat yayıb.
"İğtişaşlarda iştirak edən yüzlərlə insan otelin şüşələrini sındırıb, binanı mühasirəyə alan polis əməkdaşlarına şüşə, daş və stul atıb. Bəzi fəallar otelin içərisinə girə biliblər. Bəzi hüquq-mühafizə orqanlarının əməkdaşları ilkin tibbi yardıma ehtiyac duyub",- məlumatda deyilir.
Qeyd olunur ki, Böyük Britaniyanın onlarla şəhərində böyük etirazlar bir neçə gündür davam edir. İğtişaşlara səbəb iyulun 29-da 17 yaşlı yeniyetmə Aksel Rudakubanın rəqs dərsi zamanı azyaşlılara bıçaqla hücumu olub.
Bizi Telegram-da izləyin...
