Çində təyyarə qəzaya uğradı
Çinin cənubundakı Haynan əyalətində təyyarə qəzaya uğrayıb.
Redaktor.az xəbər verir ki, bu barədə Çinin “Zimu Xinwen” informasiya portalı yerli hakimiyyət orqanlarına istinadən məlumat yayıb.
Bildirilir ki, sosial şəbəkələrdə avqustun 8-i səhər saatlarında təyyarənin qəzaya uğradığını əks etdirən video yayılıb. Məlumata görə, hadisə Donfanq qraflığının Baso şəhəri yaxınlığında baş verib.
Hazırda Fövqəladə Hallar Nazirliyinin əməkdaşları hadisə yerinə cəlb olunub. Fövqəladə vəziyyətin səbəbləri və tələfatla bağlı hələlik məlumat daxil olmayıb.
Təyyarənin qəzaya uğraması ilə bağlı məlumat hüquq-mühafizə orqanları tərəfindən təsdiqlənib. Hazırda ərazidə polis işləyir və sakinlərə fövqəladə hadisə yerinə yaxınlaşmamaq barədə xəbərdarlıq edib.
Sevinc İBRAHİMZADƏ
Bizi Telegram-da izləyin...
