İraq İŞİD-i VURDU
İraqın Terrorla Mübarizə Xidməti ölkə daxilində bir çox İŞİD sığınacaqlarını məhv edib.
Redaktor.az xəbər verir ki, bu barədə ölkənin mətbuatı məlumat yayıb.
Məlumata görə, İraq təhlükəsizlik qüvvələri Diyalə və Səlahəddin əyalətləri ilə Tərmiyə bölgəsində həyata keçirdikləri əməliyyatlarda İŞİD-ə aid çoxlu sığınacaqları məhv edib.
Xatırladaq ki, 7 iyun 2014-cü ildə İraqa hücum edən və qısa müddət ərzində ölkə ərazisinin təxminən 45 faizini ələ keçirməyi bacaran İŞİD, 2017-ci ildə məğlub olub. Lakin terror təşkilatının qalan üzvləri İraq və Suriyada mövcudluqlarını davam etdirərək, zaman-zaman terror aktları törədirlər.
İraq təhlükəsizlik qüvvələri vaxtaşırı İŞİD və onun fərari ünsürlərinə qarşı əməliyyatlar həyata keçirir.
Türkan İSGƏNDƏRLİ
Bizi Telegram-da izləyin...
