Trampa edilən sui-qəsdin TƏFƏRRÜATLARI
FTB Donald Trampa sui-qəsd zamanı istifadə edilən silahın, hücumçunun avtomobilindən tapılan kürək çantasının və partlayıcı maddələrin fotolarını təqdim edib.
Redaktor.az xəbər verir ki, Sui-qəsd cəhdi ilə bağlı digər təfərrüatlar da açıqlanıb.
Hücumda istifadə edilən silah qatlana bilən olduğundan onu mitinq sahəsinə gizlicə soxmaq asan olub.
Bildirilib ki sui-qəsdçi 20 yaşlı Tomas Metyu Kruks hücumdan əvvəl həm keçmiş prezident Trump, həm də prezident Co Baydenin kampaniya tədbirlərini araşdırıb. Polislər onun “müəyyən bir ideologiyası” olmadığını bildiriblər. Onun xarici güc tərəfindən idarə olunduğuna dair heç bir əlamət yoxdur.
Xatırladaq ki, ABŞ-nin keçmiş prezidenti Donald Tramp iyulun 13-də Pensilvaniya ştatının Butler bölgəsində keçirdiyi mitinqdə tribunadan tərəfdarları qarşısında çıxış edərkən silahlı hücuma məruz qalıb. Mitinqdə iştirak edən 1 nəfər ölüb, 2 nəfər yaralanıb.
Türkan İSGƏNDƏRLİ
Bizi Telegram-da izləyin...
