Tokayev referendum keçirəcəyini AÇIQLADI
Qazaxıstanda Atom Elektrik Stansiyasının (NGP) tikintisi ilə bağlı referendum oktyabrın 6-da keçiriləcək.
Redaktor.az xəbər verir ki, bunu Qazaxıstan Prezidenti Kasım-Jomart Tokayev ictimaiyyətə müraciətində deyib.
“Ölkənin həyatı üçün vacib olan hər bir addım xalqın dəstəyi ilə atılmalıdır. Atom elektrik stansiyaları ilə bağlı referendumda da belə olmalıdır. Keçən il mən bunun tənzimlənməsindən danışdım, ona görə də bu məsələ bir ildir ki, ictimai gündəmdədir”, - Qazaxıstan lideri bildirib.
Qeyd edək ki, Qazaxıstanda atom elektrik stansiyasının tikintisi məsələsi respublika yaranandan gündəmdədir. Ölkədə bir dənə də olsun fəaliyyət göstərən stansiya yoxdur. Tokayev 2019-cu ildə stansiyanın tikintisinə ehtiyac olmadığını bildirsə də, 2023-cü il avqustun 31-də tikinti ilə bağlı referendum keçirilməsini təklif edib.
Sevinc İBRAHİMZADƏ
Bizi Telegram-da izləyin...
