Səudiyyə Ərəbistanına səfər etmək istəyənlərə xəbərdarlıq EDİLDİ
Son günlər Səudiyyə Ərəbistanının bəzi bölgələrində, o cümlədən iki Məkkə və Mədinə şəhərində güclü külək və leysan yağışları nəticəsində daşqınlar müşahidə olunub. Şəhərin bir sıra əsas küçə və yollarına, avtomobillərə ciddi ziyan dəyib. Bəzi yaşayış binalarını su basıb.
Redaktor.az xəbər verir ki, bu barədə “Dünyo” xəbər agentliyi məlumat yayıb.
Səudiyyə Ərəbistanının Milli Meteorologiya Mərkəzi və Mülki Mühafizə Baş İdarəsi, Mədinə və ətraf ərazilərdə şiddətli yağışlar səbəbilə xəbərdarlıq səviyyəsinin qırmızıya yüksəldiyini açıqlayıb. Belə hava şəraitinin sentyabrın birinci ongünlüyünə qədər davam edə biləcəyi bildirilir.
Mülki Müdafiə Baş İdarəsi vətəndaşları və əcnəbi qonaqları tufan və güclü külək zamanı diqqətli olmağa çağırıb.
Qasırğa səbəbindən krallıqdakı məktəblər, kolleclər və universitetlər dərsləri onlayn keçirməyə qərar verib.
Sevinc İBRAHİMZADƏ
Bizi Telegram-da izləyin...
