Suriyadan İsrailin hava hücumuna REAKSİYA
"İsrailin hərəkətləri Yaxın Şərqdə gözlənilməz nəticələrlə dolu olan eskalasiyaya səbəb olur".
Redaktor.az SANA agentliyinə istinadla xəbər verir ki, bunu Suriya Xarici İşlər Nazirliyi İsrailin Suriyanın Həma əyalətindəki hədəflərə endirdiyi zərbələri şərh edərkən bildirib.
“İsrailin işğalçı hakimiyyət orqanlarının Suriya ərazilərinə və regionun digər ölkələrinə davamlı hücumları, həmçinin Qəzza zolağında və İordan çayının qərb sahilində Fələstin xalqına qarşı davam edən vəhşicəsinə müharibəsi fələstinlilərin dəhşətli cinayətləri və qırğınları ilə müşayiət olunur. Bu, İsrail tərəfinin regionda ağır və gözlənilməz nəticələrə səbəb olacaq münaqişənin daha da genişlənməsi arzusunu göstərir”, - deyə Ərəb Respublikası Xarici İşlər Nazirliyinin bəyanatında qeyd olunub.
Xarici İşlər Nazirliyi baş verənlərə görə məsuliyyəti İsraili dəstəkləməyə davam edən və bununla da onu hücumlarını “davam etməyə təşviq edən” ABŞ və digər Qərb ölkələrinin üzərinə qoyub.
SANA-nın xəbərinə görə, sentyabrın 8-dən 9-na keçən gecə İsrail Silahlı Qüvvələri Həma əyalətində Vadi əl-Uyun, Masyaf və Səlamiyyədə yerüstü hədəflərə hava zərbələri endirib. Ərəb Respublikasının Müdafiə Nazirliyindəki mənbə agentliyə bildirib ki, “Suriya hava hücumundan müdafiə sistemləri İsrailin təcavüzkar hücumunu dəf edib”. Onun məlumatına görə, raketlərin bir hissəsi hədəflərinə yaxınlaşarkən vurulub. Hücumların qurbanı 16 nəfər olub, daha 36 nəfər yaralanıb. Hücumlar maddi ziyana da səbəb olub.
“The Times of Israel”in yazdığına görə, zərbələr zamanı iranyönlü birləşmələrin obyektləri, o cümlədən raket istehsalı bazası vurula bilərdi.
Turan İSMAYIL
Bizi Telegram-da izləyin...
