FED rəhbəri uçot dərəcəsinin azaldılmasından DANIŞDI
Ölkənin mərkəzi bankı kimi fəaliyyət göstərən ABŞ Federal Ehtiyat Sistemi (FED) Amerika iqtisadiyyatının vəziyyətindən asılı olaraq baza faiz dərəcəsini azaldacaq.
Redaktor.az TASS-a istinadla xəbər verir ki, bu barədə FED-in sədri Cerom Pauel maliyyə tənzimləyicisinin rəhbər komitəsinin növbəti iclasından sonra keçirilən mətbuat konfransında bildirib.
Ondan FED-in növbəti dəfə uçot dərəcəsini nə vaxt azaldacağını söyləməsi istənilib. "Hərəkətlərimiz iqtisadiyyatın necə inkişaf etməsindən asılı olacaq. Uyğun olarsa, sürətləndirə bilərik, uyğun olarsa, yavaşlaya bilərik. Müvafiqdirsə, fasilə verə bilərik, lakin biz bunu nəzərdən keçiririk", - Pauell qeyd edib.
O, maliyyə tənzimləyicisinin dərəcəsi azaltmaq üçün "tələsmək niyyətində olmadığını" vurğulayıb.
"İqtisadiyyat güclü qalsa və inflyasiya davam edərsə, biz siyasəti daha yavaş yumşaldacağıq", - FED rəhbəri faiz endirimlərinin sürətindən danışarkən deyib. Bununla belə, o əlavə edib ki, inflyasiyanın artması riskləri azalıb və ABŞ-də ÜDM artımı sabit qalacaq. Bundan əlavə, inflyasiya nəzərəçarpacaq dərəcədə azalıb, lakin 2%-lik hədəfdən yuxarı qalmaqdadır.
Qeyd edək ki, bu gün FED baza dərəcəsini 4,75-5,00%-ə endirib.
Turan İSMAYIL
Bizi Telegram-da izləyin...
