Yoxsul ailələr qeydiyyata alınacaq - Yanvarın 1-dən...
Özbəkistanda prezidentin fərmanı ilə dekabrın 1-dən yoxsul ailələrin reyestri yaradılır.
Redaktor.az xəbər verir ki, bu barədə ölkənin Ədliyyə Nazirliyi məlumat yayıb.
Belə ki, 2025-ci il yanvarın 1-dən aztəminatlı ailələrin uşaqlarına müavinət və maddi yardım alan ailələrin işlə təmin olunmayan üzvləri işə düzəldikdə, özünüməşğulluq fəaliyyəti ilə məşğul olduqda və ya sahibkarlıq fəaliyyəti ilə məşğul olduqda, bu müavinətləri və maliyyə dəstəyini 6 aydan çox olmayan müddətədək alacaqlar.
Həmçinin minimum əmək haqqının 1,5 mislindən az olmayan aylıq əmək haqqı ilə işləyən yoxsul ailə reyestrində qeydiyyatda olan ailə üzvünə üç il müddətinə 1% sosial vergi ödəniləcək.
Aztəminatlı ailələrə dəstək tədbirlərinə sağlam ailə üzvlərinin sosial müqavilə əsasında işlə təmin olunması, öz torpaqlarından səmərəli istifadə (bitki əkilməsi), peşə və xarici şərtlər nəzərə alınmaqla ailə üzvlərinin, o cümlədən uşaqların təhsil alması daxildir.
2024-cü ildə 500 min, 2025-ci ildə isə 1 milyon insanın yoxsulluqdan xilas edilməsi dövlətin sosial-iqtisadi siyasətinin, bütün səviyyələrdə dövlət qurum və təşkilatlarının prioritet vəzifəsi kimi müəyyən edilib.
Sevinc İBRAHİMZADƏ
Bizi Telegram-da izləyin...
