Quterreş Təhlükəsizlik Şurasını dəyişikliyə çağırdı
BMT-nin baş katibi Antonio Quterreş dünya qurumunun Təhlükəsizlik Şurasının buraxılmasına çağırıb.
Redaktor.az xəbər verir ki, bu barədə RİA Novosti məlumat yayıb.
Portuqaliyalı diplomat BMT Baş Assambleyasının yüksək səviyyəli həftəsində ümumi debatda çıxış edib. İclasda o, dünya təşkilatının Təhlükəsizlik Şurasının İkinci Dünya Müharibəsində qalib gələn dövlətlər tərəfindən yaradıldığını diqqətə çatdırıb.
“Afrikanın çox hissəsi hələ də müstəmləkəçilik altındadır. Bu günə qədər Afrikanın ən böyük sülhməramlı şurada daimi yeri yoxdur. Bu dəyişməlidir”, - Quterreş bildirib.
Baş katib həmçinin 20-ci əsrin ortalarında yaradılmış qlobal maliyyə sisteminə yenidən baxılmasının zəruriliyini qeyd edib. Bununla belə, diplomat BMT Təhlükəsizlik Şurasının və qlobal maliyyə arxitekturasının necə dəyişdirilməsi ilə bağlı konkret təkliflər irəli sürməyib.
Qeyd edək ki, BMT Təhlükəsizlik Şurası sülhün qorunmasına cavabdeh olan dünya təşkilatının daimi orqanıdır. Hazırda veto hüququna malik beş daimi üzv (Rusiya, ABŞ, Çin, Böyük Britaniya, Fransa) və 10 qeyri-daimi üzv var.
Sevinc İBRAHİMZADƏ
Bizi Telegram-da izləyin...
