Rusiya kimi nüvə dövləti üzərində qələbə prinsipcə mümkün deyil - Qərbə XƏBƏRDARLIQ
Qərb Rusiya Federasiyasını məğlub etmək illüziyasından qurtulmalıdır, Rusiya kimi hərbi və iqtisadi potensiala malik nüvə dövləti üzərində qələbə prinsipcə mümkün deyil.
Redaktor.az TASS-a istinadla xəbər verir ki, bunu Rusiya Federasiyasının BMT-dəki daimi nümayəndəsinin birinci müavini Dmitri Polyanski deyib.
“Həqiqətə və sağlam düşüncəyə zidd olaraq ölkəmizi iblisləşdirmək və təhdid etmək istəyənlər başa düşməlidirlər ki, nüvə dövləti, hətta Rusiya kimi hərbi və iqtisadi potensiala malik olan dövlət üzərində qələbə prinsipcə mümkün deyil. Sizə düz deyirəm - Qərb indi Rusiyanın qalib gələcəyindən yox, həqiqətin bizimlə birlikdə qalib gələcəyindən qorxur və bu, dünya ölkələrinin bundan artıq Qərbdən qorxmayacağına gətirib çıxaracaq. Bu, Birləşmiş Ştatların və onun peyklərinin hegemonluğunu sarsıdacaq, onsuz onların varlığını təsəvvür edə bilməzlər”, - deyə o, BMT Təhlükəsizlik Şurasındakı açıq debatda çıxışı zamanı deyib.
Rusiyalı diplomat həmçinin qeyd edib ki, heç olmasa Avro-Atlantik və Avrasiya regionunda yeni təhlükəsizlik arxitekturasının necə görünə biləcəyi barədə düşünmə prosesini bərpa etməyin vaxtı çatıb.
“Əlbəttə, belə bir söhbət bir şərtlə mümkündür - Qərb Rusiyaya qarşı qarşıdurma kursundan və bizi məğlub edə biləcəyi illüziyasından əl çəkər”, - o bildirib.
Turan İSMAYIL
Bizi Telegram-da izləyin...
