İsrail Hizbullah liderinin öldüyünə inanır - KİV
İsrail Hərbi Hava Qüvvələrinin hücumuna məruz qalan Beyrutdakı bu şiə hərəkatının mərkəzi qərargahında Hizbullahın baş katibi Həsən Nəsrullahın olmasına İsraildə inam artır.
Redaktor.az xəbər verir ki, bu barədə Kan Radiosu mənbəyə istinadla məlumat yayıb.
“Vaxt keçir və Hizbullah heç bir rəsmi açıqlama vermir və İsraildə Nəsrullahın məhv edilməsi ilə bağlı qiymətləndirmələr artmaqdadır”, - radiostansiya mənbədən sitat gətirib. Kan başqa bir israilli mənbədən sitat gətirib: “Hizbullahın qərargahında olan hər kəs zərbə zamanı oradan çıxa bilməzdi”.
Bundan əlavə, radiostansiyanın məlumatına görə, İsrailin Baş naziri Benyamin Netanyahu sentyabrın 26-da Nyu-Yorka uçmazdan əvvəl Hizbullahın qərargahına zərbə endirmə əməliyyatını təsdiqləyib, bundan sonra İsrail ordusu uyğun anı gözləyib. Beyrut hücumundan qısa müddət sonra Netanyahu ABŞ-yə səfərini yarımçıq kəsib İsrailə qayıtmaq qərarına gəlib.
Xatırladaq ki, bu gün ordunun mətbuat xidməti İsrail hava qüvvələrinin Beyrutdakı Hizbullahın mərkəzi hərbi qərargahına hücum etdiyini bildirib. Günün əvvəlində İsrail Nazirlər Kabinetinin rəhbəri BMT Baş Assambleyasının 79-cu sessiyasında ümumi siyasi müzakirələr zamanı çıxış edərək bildirib ki, İsrail “tam qələbə çalana qədər” Qəzzada mübarizəni davam etdirəcək və Livanın şiə hərəkatı Hizbullaha zərbə endirəcək.
N12 telekanalı daha əvvəl Netanyahunun Nyu-Yorkda əlində telefon qəbuledicisi olan masa arxasında çəkilmiş fotoşəkilini dərc etmişdi. Telekanal fotonun altında baş nazirin Beyruta hücumu bəyəndiyini qeyd edib.
Kan mənbələrinin bildirdiyinə görə, baş nazir Nyu Yorka gəldikdən az sonra oteldən əməliyyat barədə kabinet nazirlərinə məlumat verib.
Turan İSMAYIL
Bizi Telegram-da izləyin...
