Zelenski Putinin nüvə təhdidlərinə cavab VERDİ
Ukrayna prezidenti Vladimir Zelenski rusiyalı həmkarı Vladimir Putinin nüvə hədələrinə cavab verib.
Redaktor.az xəbər verir ki, siyasətçi bu barədə telekanala müsahibəsində məlumat verib.
Zelenskinin sözlərinə görə, Rusiya prezidentinin ağlından nə keçdiyini heç kim bilmir.
"İstənilən vaxt istənilən ölkəyə qarşı nüvə silahından istifadə edə bilər. Bunun olacağına əmin deyiləm. Mən sizə öz fikirlərimi deyirəm, amma şükürlər olsun ki, Putin deyiləm. Çünki o, həmişə adekvat davranmır".
Siyasətçi bəyan edib ki, heç bir ağıllı adam Ukraynaya gəlib onun etdiklərini etməyəcək.
Ukrayna prezidenti deyib ki, Rusiya lideri həm də başqalarının həyatını idarə etməyi xoşlayır.
Ona görə də düşünürəm ki, o, nüvə silahından istifadə etməkdən qorxmalıdır”, - deyə Zelenski əlavə edib.
Rusiya prezidenti deyib ki, hətta adi silahlara qarşı kritik təhlükə də nüvə silahından istifadəyə təkan verəcək. O, nüvə doktrinasının dəyişdirilməsini istisna etməyib. Həmçinin nüvə silahından istifadəni hətta düşünməyə ehtiyac olmadığını bildirib.
Putinin sözlərinə görə, yenilənmiş nüvə doktrinasının layihəsi nüvədən çəkindirmə siyasəti ilə dövlətlər və hərbi ittifaqlar kateqoriyasını genişləndirir.
Rusiyaya qarşı hava məkanı hücumu vasitələrinin buraxılması ilə bağlı etibarlı məlumatlar qaçılmaz olaraq nüvə reaksiyasına səbəb olacaq. Kreml rəhbəri bildirib ki, Rusiya hətta Belarusa hücum edəcəyi təqdirdə belə nüvə silahından istifadə etmək hüququnu özündə saxlayır.
Sərhəddən kütləvi raket və pilotsuz təyyarələrin buraxılması ilə bağlı etibarlı məlumatlardan sonra Rusiya nüvə silahından istifadə etməyi düşünə bilər.
Sevinc İBRAHİMZADƏ
Bizi Telegram-da izləyin...
