Kadırov Çeçenistanda əlavə ehtiyat hərbi hissələrin yaradılması barədə göstəriş verdi
Çeçenistanın rəhbəri Ramzan Kadırov regionda əlavə ehtiyat hərbi hissələrin yaradılması və mövcud olanların xidmət şəraitinin yaxşılaşdırılması barədə göstəriş verib.
Redaktor.az xəbər verir ki, bu barədə o, teleqram kanalında məlumat verib.
“Bazar ertəsi mən hüquq-mühafizə və təhlükəsizlik orqanlarının, eləcə də yerli hökumətlərin rəhbərliyi ilə görüşdüm, biz respublikamızın Ukraynada keçirilən xüsusi hərbi əməliyyatda iştirakını da müzakirə etdik. Biz əlavə ehtiyat hissələrin yaradılması, eləcə də artıq yaradılmış hərbi birləşmələrin xidmət şəraitinin yaxşılaşdırılması imkanlarını nəzərdən keçiririk”, - deyə Kadırov yazıb.
O qeyd edib ki, regionun sosial-iqtisadi nailiyyətlərini qoruyub saxlamaq və artırmaq üçün dövlətin xarici təhdidlərdən qorunmasına xüsusi önəm vermək lazımdır.
“Biz hamımız görürük ki, dövlətimizin iqtisadi və hərbi qüdrətini zəiflətmək cəhdləri ilə demək olar ki, bütün dünya Rusiyaya qarşı silaha əl atıb. Əminəm ki, biz böyük Rusiyamızın rifahı naminə qarşıya qoyulan bütün vəzifələri ən yaxşı şəkildə həyata keçirə biləcəyik. Bizim üçün bu, unikal şansdır və biz heç bir halda şeytani pis ruhlara müqavimət göstərmək üçün bu fürsəti əldən vermək fikrində deyilik”, - Kadırov əlavə edib.
Turan İSMAYIL
Bizi Telegram-da izləyin...
