Kadırovun oğlu Rusiyanın Rekordlar Kitabına salındı
Çeçenistan rəhbəri Ramzan Kadırovun oğlu Adam Kadırov Rusiyanın Rekordlar Kitabına rus subyektinin rəhbərinin təhlükəsizlik xidmətinin ən gənc rəhbəri kimi daxil edilib.
Redaktor.az xəbər verir ki, təqdimat Qroznıda Match TV-də yayımlanan ACA 180 MMA turniri zamanı baş tutub.
Rekord hələ 2023-cü ildə, Adam Kadırovun 16 yaşı tamam olanda qeydə alınıb, lakin mükafatı vermək üçün “doğru anı gözləyirdilər”. Həmçinin Çeçenistan rəhbərinin oğlu Rusiya Qəhrəmanları Kitabının populyarlaşmasına görə medal alıb.
Qeyd edək ki, 2023-cü ilin noyabrında Çeçenistanın milli siyasət, xarici əlaqələr, mətbuat və informasiya naziri Əhməd Dudayev Adam Kadırovu region rəhbərinin təhlükəsizlik xidmətində “mühüm vəzifəyə” təyin olunması münasibətilə təbrik edib. O qeyd edib ki, kiçik Kadırov özünü cəsur, cəsarətli vətənpərvər və “dinin müdafiəsinə qalxmağa” hazır olan bir insan kimi sübut edib. Nazirin sözlərinə görə, gənc yaşında Adam Kadırov bir neçə dəfə "xüsusi hərbi əməliyyat" zonasına (Ukrayna ərazisinə - red.) səfər edib.
Turan İSMAYIL
Bizi Telegram-da izləyin...
