Borrell LGBT-yə qarşı qanunun geri götürülməsi qarşılığında Gürcüstana maliyyə vəd etdi
Aİ-nin xarici siyasət xidmətinin rəhbəri Josep Borrell ilk növbədə gey təbliğatına və xarici agentlərə qarşı yönəlmiş bütün antidemokratik qanunların geri götürülməsi müqabilində Gürcüstana Avropa maliyyəsini bərpa edəcəyinə söz verib.
Redaktor.az TASS-a istinadla xəbər verir ki, bu barədə Strasburqda Avropa Parlamentinin sessiyasında bildirib.
“Avropa İttifaqı Gürcüstan hökumətinin anti-demokratik addımlarına cavab verdi, Gürcüstanın Aİ-yə inteqrasiyası prosesi əngəlləndi, siyasi dialoqun səviyyəsi aşağı salındı və Avro Sülh Fondu vasitəsilə 30 milyon avro məbləğində əməliyyat dayandırıldı”, - Borrell bildirib.
“Bu tədbirlərə yenidən baxıla bilər və çox sadədir, gürcü hakimiyyətinin siyasi iradəsi lazımdır. Onlar Gürcüstanın Avropa İttifaqına daxil olmaq məqsədinə zidd olan qanunları ləğv etməklə başlamalıdırlar”, - deyə o bildirib.
Borrell vurğulayıb ki, Avropa İttifaqı və onun üzvləri dəfələrlə Tbilisini Brüsselin bəyənmədiyi qanunları ləğv etməyə çağırıb.
Turan İSMAYIL
Bizi Telegram-da izləyin...
