Bayden Pentaqona Trampı hazırkı prezident kimi qorumağı əmr edib
Amerika Prezidenti Co Bayden ABŞ Müdafiə Nazirliyinə sələfi Donald Trampın təhlükəsizliyini indiki dövlət başçısı olduğu qədər təmin etməyə kömək etməyi tapşırıb.
Redaktor.az xəbər verir ki, bu barədə Bayden Ağ Evdə Pentaqonun Respublikaçılar Partiyasının Trampın hərbi təyyarə və nəqliyyat vasitələri ilə təmin edilməsi tələblərinə əməl edib-etməyəcəyinə aydınlıq gətirmək üçün jurnalistlərin suallarını cavablandırarkən deyib.
“Bax, nazirliyə dedim ki, ona lazım olan hər şeyi ver. Sanki indiki prezidentdi. Əgər bu kateqoriyaya düşürsə, onda yaxşı. Yoxdursa, ona belə hərbi texnika verilməməlidir", - ABŞ lideri bildirib.
O, həmçinin zarafat edib ki, Trampın ətrafının tələb etdiyi hərbi texnika “F-15 qırıcıları olmadıqda” ötürüləcək.
Xatırladaq ki, ABŞ-də növbəti ümumi seçkilər noyabrın 5-də keçiriləcək. Respublikaçı Donald Tramp və demokrat Kamala Harris prezidentlik uğrunda mübarizə aparacaqlar.
İyul və sentyabr aylarında Trampın həyatına cəhdlər edilib. “The Washington Post” qəzetinin cümə günü əlində olan mənbələrə və sənədlərə istinadən verdiyi məlumata görə, Tramp İrandan onun həyatına gəldiyi iddia edilən təhlükədən qorunmaq üçün hərbi təyyarə və nəqliyyat vasitələrinin verilməsini tələb edir.
Turan İSMAYIL
Bizi Telegram-da izləyin...
