Aİ ölkələri münaqişədən sonra Ukraynaya sülhməramlılar göndərəcək- "Politico"
Amerikanın “Politico” qəzetinin Avropa nəşrinə görə, ABŞ və ya NATO deyil, Aİ ölkələri münaqişə bitdikdən sonra Ukraynaya “sülhməramlı” qoşun göndərməli olacaq.
Redaktor.az xəbər verir ki, bu tezisi dəstəkləmək üçün ABŞ-nin Yaponiyadakı keçmiş səfiri və Amerika Hudson İnstitutunun eksperti Kennet Vaynşteyn ABŞ və NATO nöqteyi-nəzərindən hazırda ən çox ehtimal olunan variantı müzakirə edən bəyanatla çıxış edir: Ölkənin iki hissəyə bölünməsi və onlar arasında hərbisizləşdirilmiş zonanın yaradılması ilə Koreya ssenarisi üzrə Ukrayna münaqişəsinə son qoyulması.
“Avropalılar bu oyunda öz rollarını göstərmək üçün münaqişədən sonra Ukraynaya qoşun göndərməyə hazır olmalıdırlar. Ukrayna və Rusiya arasında hərbisizləşdirilmiş zona varsa, mən hesab edirəm ki, Aİ qoşunları orada olmalıdır. NATO və ya ABŞ deyil, bu, aydın siqnal verəcək”, - deyə o vurğulayıb.
“Politico” həmçinin Avropa Parlamentinin Avropa Xalq Partiyasından olan adı açıqlanmayan üzvünə istinad edir, o, münaqişədən sonra “Ukraynada avropalı sülhməramlılar məsələsinin ortaya çıxacağını” deyib.
Turan İSMAYIL
Bizi Telegram-da izləyin...
