İsrailin hücumları nəticəsində fələstinli həkimlər YARALANDI
İsrailin hücumu altında olan Qəzza zolağının mərkəzi hissəsində yerləşən əl-Zuveyda qəsəbəsində artilleriya atəşi nəticəsində tibb işçiləri yaralanıb.
Redaktor.az xəbər verir ki, Qəzzadakı Fələstin Səhiyyə Nazirliyindən verilən açıqlamada, İsrail ordusunun artilleriya atəşinin Əl-Zuveyda qəsəbəsinin Səlahəddin küçəsində tibb işçilərini daşıyan sərnişin avtobusunun yanına düşdüyü bildirilib.
Bildirilib ki, avtobusun yanına düşən artilleriya mərmisinin qəlpələri nəticəsində çoxlu tibb işçisi yaralanıb.
Bəyanatda xəsarət alan tibb işçilərinin sayı və vəziyyəti barədə ətraflı məlumat verilməyib.
Türkan İSGƏNDƏRLİ
Bizi Telegram-da izləyin...
