İsrailin 10 hərbi hissəsini bombaladıq - Hizbullah
Hizbullah İsrailin pilotsuz uçuş aparatını (PUA) vurduqlarını, bir tankı məhv etdiklərini, Livanın cənubunda və İsrailin şimalında 10 İsrail hərbi icmasını bombaladıqlarını açıqlayıb.
Redaktor.az xəbər verir ki, Hizbullahın Telegram hesabından verdiyi açıqlamada səhər saatlarından etibarən İsrail qüvvələrinə qarşı həyata keçirdikləri hücumlarla bağlı məlumat verilib.
Açıqlamaya görə, Livanın cənubundakı Marcayun bölgəsində bir PUA yer-hava tipli raketlə vurulub.
Xiyam şəhərinin cənubundakı Əl-Həmamis bölgəsində İsrail ordusuna məxsus "Merkava" tipli tankın idarə olunan raketlə vurulması nəticəsində tank yanmış, ekipaj üzvlərindən bir qismi ölmüş, bəziləri isə yaralanmışdır.
İsrailin şimalındakı Zarit kazarmaları raketlərlə vurulub, Şərağa və Beyt Helel bazalarının hər biri kamikadze pilotsuz uçuş aparatları ilə hədəfə alınıb.
Seymur BƏNNAYEV
Bizi Telegram-da izləyin...
