Məşhur serialın filmi də çəkiləcək
"Warner Bros." studiyası Corc R.R.Martinin fantastik kitabları əsasında çəkilən “Taxt oyunları” (Game of Thrones) serialının filmini hazırlayır.
Redaktor.az xəbər verir ki, bu barədə "Deadline" mənbələrə istinadən məlumat yayıb.
Bildirilib ki, layihə hazırda inkişafın ilkin mərhələsindədir, şirkət filmlə bağlı ilkin danışıqlar aparır. Hələlik təfərrüatlar yoxdur.
Qeyd edək ki, 59 "Emmy" mükafatı qazanan “Taxt Oyunları” 2011-2019-cu illərdə yayımlanıb. İzləyicilər ümumilikdə səkkiz mövsümə baxıblar.
2022-ci ildə müəllif Corc R.R. Martin "Taxtların Oyunu"nun baş qəhrəmanı Con Snov haqqında olan serialı üzərində işi təsdiqləyib, lakin layihə fikir böhranı səbəbindən 2024-cü ildə təxirə salınıb.
Sevinc İBRAHİMZADƏ
Bizi Telegram-da izləyin...
