İspaniyada yağan güclü yağış nəqliyyatı iflic ETDİ
İspaniyada son bir həftədir təsirli olan güclü yağış nəqliyyatı iflic edib.
Redaktor.az xəbər verir ki, dünən gecədən başlayan və bu gün günorta saatlarına qədər davam edən leysan yağışları səbəbindən xüsusilə Barselona, Girona və Tarraqona şəhərlərində nəqliyyat iflic olub.
İspaniyanın hava limanı əməliyyatları müdirliyi AENA-nın verdiyi məlumata görə, Barselona Beynəlxalq Hava Limanında hər kvadratmetrə 81 litr yağıntının düşdüyü, hava limanının bir çox ərazisi və dayanacaq yerlərinin su altında qaldığı bildirilib.
Rəsmilər qeyd edib ki, yağışın vurduğu ziyana görə ən azı 50 reys təxirə salınıb, 17 təyyarə enişi başqa hava limanlarına istiqamətləndirilib.
Türkan İSGƏNDƏRLİ
Bizi Telegram-da izləyin...
