Macarıstan fövqəladə vəziyyət rejimini UZATDI
Macarıstan parlamenti qonşu Ukraynadakı silahlı münaqişə ilə əlaqədar ölkədə fövqəladə vəziyyət rejimini uzadıb.
Redaktor.az xəbər verir ki, böyük səs çoxluğu ilə daha altı ay, mayın 18-dək uzadılıb.
Qanunvericilik orqanının internet saytında yayımlanan səsvermə zamanı 199 deputatdan 130-u müvafiq qanun layihəsinin lehinə, 49-u isə əleyhinə çıxış edib.
Hakim partiyanın "FİDES - Macarıstan Vətəndaş Birliyi" fraksiyası və onun kiçik tərəfdaşları - Xristian Demokratlar bu sənədi dəstəkləyib, bütün müxalifət partiyalarının nümayəndələri isə onu tənqid ediblər.
Xatırladaq ki, hökumət 2022-ci ilin mayında Ukraynada baş verən hadisələrlə əlaqədar 180 gün müddətinə fövqəladə vəziyyət elan edib və o vaxtdan bu rejimi dörd dəfə uzadıb.
Seymur BƏNNAYEV
Bizi Telegram-da izləyin...
