İsrail əsgərlərinin açdığı atəş nəticəsində 3 fələstinli həyatını İTİRDİ
İşğal altındakı İordan çayının qərb sahilinin Kabatiyə qəsəbəsində İsrail əsgərlərinin açdığı atəş nəticəsində 3 fələstinli həyatını itirib.
Redaktor.az xəbər verir ki, Fələstin Səhiyyə Nazirliyindən verilən açıqlamada İordan çayının qərb sahilinin Cənin şəhərinin Kabatiyə qəsəbəsində İsrail əsgərlərinin fələstinlilərə atəş açdığı bildirilib.
Açıqlamaya görə, İsrail ordusunun açdığı atəş nəticəsində 3 fələstinli həyatını itirib.
Qeyd edək ki 7 oktyabr 2023-cü ildən bəri işğal altındakı İordan çayının qərb sahili və Şərqi Qüdsdə Fələstin torpaqlarını qəsb edən İsrail əsgərləri və israillilərin hücumlarında həyatını itirənlərin sayı 770-ə yüksəlib.
Seymur BƏNNAYEV
Bizi Telegram-da izləyin...
