Arvadının xəstəliyini öyrəndi, boşanmaq istədi
Çində qadın ruhi xəstəliyini və histerektomiya olduğunu həyat yoldaşından gizlədib, əri isə bunu öyrənəndə onu tərk edib.
Redaktor.az xəbər verir ki, bu barədə SCMP məlumat yayıb.
Belə ki, keçən ilin sentyabr ayında Henan əyalətinin sakini Çjou özündən 7 yaş böyük qadınla tanış olub. Yaş fərqi çinliləri narahat etməyib və cütlük oktyabrda nişanlanıb. Kişi gəlin üçün 10 min yuan fidyə ödəyib və nikah qeydiyyatı günü sevgilisinə daha 40 min yuan verib.
Onların toy mərasimi noyabr ayında baş tutub, lakin tezliklə Çjou arvadının qəribə davranışını hiss etməyə başlayıb. O, sonradan öyrənib ki, həyat yoldaşına hələ evlilikdən əvvəl şizofreniya diaqnozu qoyulub. Ər həyat yoldaşının histerektomiya əməliyyatı keçirdiyini gizlətdiyini öyrənəndə isə şoka düşüb.
İncimiş çinli kişi ciddi sağlamlıq problemlərini gizlətdiyi üçün arvadının nikahının ləğvi üçün məhkəməyə müraciət edib. Qadın bu tələbə etiraz etməyib. Məhkəmə həmin şəxsin xeyrinə qərar çıxarıb və Çin sosial şəbəkələrinin istifadəçiləri də onun tərəfinə keçib. Çinli qadının ona xərclədiyi pulu qaytarıb-qaytarmadığı məlum deyil.
Sevinc İBRAHİMZADƏ
Bizi Telegram-da izləyin...
