Kanada Ukraynaya NASAMS HHM sistemi verdiyini TƏSDİQLƏDİ
Kanada NASAMS zenit-raket kompleksini (ZRK) artıq Ukraynaya təhvil verib.
Redaktor.az xəbər verir ki, bu barədə ölkənin milli müdafiə naziri Uilyam Bler Qalifaksda keçirilən təhlükəsizlik forumunda bildirib.
“Məmnuniyyətlə bildirmək istəyirəm ki, ABŞ ilə birgə təxminən iki il əvvəl əldə etdiyimiz NASAMS zenit-raket kompleksi artıq Ukraynaya çatdırılıb”, - nazir deyib.
Xatırladaq ki, ötən il yanvarın 11-də Kanada hökuməti Ukraynanın ehtiyacları üçün ABŞ-dən NASAMS hava hücumundan müdafiə (HHM) sistemlərini 406 milyon Kanada dollarına (ovaxtkı məzənnə ilə təxminən 303 milyon ABŞ dolları) alacağını açıqlamışdı.
Bizi Telegram-da izləyin...
