İran İsraillə genişmiqyaslı müharibəyə hazırdır - Abbas Əraqçi
İran İsraillə birbaşa toqquşmaya can atmır, lakin İslam Respublikasını genişmiqyaslı müharibəyə cəlb etmək üçün yəhudi dövlətinin bütün təhdidlərinə cavab verməyə hazır olacaq.
Redaktor.az xəbər verir ki, bunu İranın xarici işlər naziri Abbas Əraqçi deyib.
"Biz müharibəyə, hətta genişmiqyaslı müharibəyə də hazırıq. Yaxın Şərqdəki münaqişələrin həllinə görə məsuliyyət ilk növbədə ABŞ-nin üzərinə düşür. İsraillilərin bölgədə törətdikləri vəhşiliklərə, eləcə də Livanda və başqa yerlərdə törətdikləri qırğınlara son qoymaq üçün hər cür səy alqışlanmalıdır", - deyə nazir bildirib.
Diplomat həmçinin Livanın cənubunda gedən döyüşlərdən iki ay sonra İranın müttəfiqi şiə Hizbullah hərəkatının zəiflədiyi fikrini də rədd edib.
Türkan İSGƏNDƏRLİ
Bizi Telegram-da izləyin...
