Rusiya Ermənistanın KTMT-dən çıxmaqla bağlı müraciətindən xəbərsizdir - Zaxarova
Ermənistanın Kollektiv Təhlükəsizlik Müqaviləsi Təşkilatına (KTMT) bu strukturdan çıxmaq xahişi ilə rəsmi müraciət edib-etməməsi barədə Rusiya tərəfində etibarlı məlumat yoxdur.
Redaktor.az xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova brifinqdə deyib.
“KTMT-nin İrəvandakı rəsmilərdən bu strukturu tərk etmək barədə hər hansı sənəd alıb-almadığını, bu barədə heç nə bilmirik. Biz bu barədə Ermənistan nümayəndələrindən soruşmalıyıq”, - o qeyd edib.
Zaxarova KTMT-nin maliyyələşdirilməsi mövzusuna da toxunub. Onun sözlərinə görə, bu, digər beynəlxalq strukturlardan çox da fərqlənmir. KTMT-nin büdcəsi üzv dövlətlərin ortaq töhfələri hesabına formalaşır.
Türkan İSGƏNDƏRLİ
Bizi Telegram-da izləyin...
