Böyük baş heyvanlarda antibiotiklərin istifadəsi zərərlidir
Heyvandarlıqda antibiotiklərin istifadəsi mikroblara qarşı müqavimətin inkişafındakı roluna görə narahatlıq doğurur. Antibiotiklər milyonlarla insanın həyatını xilas etsə də, onların kənd təsərrüfatında həddindən artıq istifadəsi həm heyvanlar, həm də insanlar üçün təhlükə yaradaraq müalicəyə davamlı bakteriyaların yaranmasına səbəb ola bilər.
Redaktor.az xəbər verir ki, tədqiqatçıların hesablamalarına görə, dünyada antibiotiklərin 70%-i kənd təsərrüfatı heyvanlarının müalicəsində istifadə olunur və bu rəqəm insanlarla müqayisədə xeyli çoxdur.
Ölkələr heyvandarlıqda antibiotiklərdən geniş şəkildə istifadə edirlər. Məsələn, Tailand kimi Asiya ölkələri Avropa ölkələrindən qat-qat çox antibiotik istifadə edir. Bəzi Avropa ölkələri, məsələn, Hollandiya, heyvanların rifahına və təsərrüfat məhsuldarlığına xələl gətirmədən antibiotiklərin istifadəsini uğurla azaldıb. 2004-2016-cı illər arasında Hollandiya donuz fermalarında antibiotiklərin istifadəsini 54% azaldıb.
Mütəxəssislər hesab edirlər ki, heyvandarlıqda antibiotiklərin istifadəsinə dair daha sərt qaydaların tətbiqi, məsələn, istehsal olunan ətin kiloqramı üçün antibiotik istifadəsinin 50 milliqrama qədər məhdudlaşdırılması ilə qlobal antibiotik istifadəsinin üçdə ikisi azala bilər.
Sevinc İBRAHİMZADƏ
Bizi Telegram-da izləyin...
