Mixeil Kavelaşvili Gürcüstanın yeni prezidenti SEÇİLDİ
Mixeil Kavelaşvili Gürcüstanın yeni prezidenti seçilib.
Redaktor.az xəbər verir ki, bu barədə Gürcüstan Mərkəzi Seçki Komissiyası məlumat yayıb.
Bildirilib ki, o, 300 mümkün səsdən 224 səs toplayıb. Prezident seçilmək üçün ən azı 200 səs lazım idi.
Kavelaşvilinin andiçmə mərasimi dekabrın 29-na təyin edilib.
Qeyd edək ki, Mixeil Kavelaşvili deputat, Gürcüstanın futbol üzrə yığma komandasının keçmiş hücumçusu olub.
Xatırladaq ki, Gürcüstanın hazırkı Prezidenti Salome Zurabişvilinin səlahiyyət müddəti dekabrın 16-da başa çatır. Buna baxmayaraq, o, dövlət başçısı kimi səlahiyyət müddəti bitdikdən sonra prezident sarayını tərk etməyəcəyini bildirib.
Bizi Telegram-da izləyin...
