İsrailin Xan Yunisə hücumunda 3 fələstinli həyatını İTİRDİ
İsrail ordusunun Qəzza Zolağının cənubunda yerləşən Xan Yunis şəhərinə təşkil etdiyi hava hücumunda ikisi qadın olmaqla 3 fələstinli həlak olub.
Redaktor.az xəbər verir ki, səhiyyə mənbələrinin verdiyi məlumata görə, İsrail döyüş təyyarələri Xan Yunis şəhərinin şərqində yerləşən Huzə qəsəbəsindəki Əbu Yusuf ailəsinin evini hədəf alıb. Hücum nəticəsində ailənin üç üzvü həyatını itirib.
Qeyd edək ki, İsrailin 7 oktyabrdan bu yana Qəzza Zolağına həyata keçirdiyi hücumlarda indiyə qədər 17 min 492-si uşaq, 11 min 979-u qadın olmaqla ümumilikdə 45 min 59 fələstinli həlak olub, 107 min 41 nəfər yaralanıb.
Dağıntı altında hələ də minlərlə insanın olduğu bildirilir. Hücumlar zamanı xəstəxanalar və təhsil müəssisələri kimi sığınacaq yerləri hədəfə alınaraq mülki infrastruktur dağıdılır.
Seymur BƏNNAYEV
Bizi Telegram-da izləyin...
