“İsrailin uzun qolu sizə də çatacaq” - Nazir onları hədələdi
“Husi terror təşkilatının liderlərinə xəbərdarlıq edirəm: İsrailin uzun qolu sizə də çatacaq, əgər hər kəs İsrail dövlətinə əl qaldırsa, o əl kəsiləcək”.
Redaktor.az xəbər verir ki, bunu İsrailin müdafiə naziri İsrael Katz özünün X hesabında yayımladığı videomüraciətdə Ənsar Allah hərəkatının (husilərin) yəhudi dövlətinə gecə hücumunu şərh edərkən deyib.
Nazir əmin edib ki, hakimiyyət nə İsrailə, nə də dəniz yollarına raket hücumlarına icazə verməyəcək. Katz husiləri güclü zərbə endirməklə hədələyib.
Qeyd edək ki, dekabrın 18-də İsrailin mərkəzində, o cümlədən Tel-Əvivdə hava hücumu sirenləri işə düşüb. İsrail Müdafiə Qüvvələri Yəməndən atılan raketin İsrail hava məkanına girməzdən əvvəl qarşısının alınması ilə bağlı həyəcan təbili çaldığını bildirib.
Buna cavab olaraq İsrail Hərbi Hava Qüvvələri Yəməndəki limanlara və Sanada enerji infrastrukturuna hücum edib. İsrail ordusu bu obyektlərin Husilərin hərbi əməliyyatlarını asanlaşdırdığını bildirib.
Turan İSMAYIL
Bizi Telegram-da izləyin...
