Suriya İrana çağırış ETDİ
Suriya Müvəqqəti Hökumətinin Xarici İşlər Naziri Əsəd Həsən Şeybani, İrana Suriya xalqının iradəsinə, ölkənin suverenliyinə və ərazi bütövlüyünə hörmət etmə çağırışı edib.
Redaktor.az xəbər verir ki, Şeybani, X platformasındakı paylaşımında: "İran, Suriya xalqının iradəsinə, ölkənin suverenliyinə və ərazi bütövlüyünə hörmət etməlidir. Biz İranı Suriyada xaos yaymaqdan çəkinməyə çağırırıq və son açıqlamaların nəticələrindən məsuliyyət daşıyacağını bildiririk", - ifadələrini işlədib.
Nazir, İranın hərəkətlərinin Suriya xalqının iradəsinə zidd olduğunu vurğulayaraq, vəziyyətin daha da gərginləşməməsi üçün məsuliyyətli davranmağa çağırıb.
Seymur BƏNNAYEV
Bizi Telegram-da izləyin...
