Rusiya Ukraynada daha bir ərazini İŞĞAL ETDİ
Rusiya Müdafiə Nazirliyi, Donetsk vilayətindəki Gigant məskunlaşma məntəqəsində nəzarəti ələ keçirdiklərini açıqlayıb.
Redaktor.az xəbər verir ki, Nazirliyin bəyanatında, Rusiya Silahlı Qüvvələrinin Ukraynadakı əməliyyatlarına dair yenilənmiş məlumatlara yer verilib.
Açıqlamada "Cənub Hərbi Qrupu birliklərinin aktiv fəaliyyəti nəticəsində Donetsk Xalq Respublikasındakı Gigant məskunlaşma məntəqəsi azad edildi", - ifadəsi işlədilib.
Son 24 saat ərzində 143 bölgədə Ukraynanın hərbi hava limanı infrastrukturu, sursat anbarları və pilotsuz uçuş aparatlarının idarəetmə mərkəzlərinə hücumlar təşkil edildiyi bildirilib.
Həmçinin, müharibənin başlanğıcından bu yana Ukrayna ordusuna aid 650 təyyarə, 283 helikopter, 38 min 595-dən çox pilotsuz uçuş aparatı, 590 hava müdafiə raket sistemi, 19 min 972 tank və zirehli texnika, 1504 çox lüləli reaktiv yaylım atəş sistemi, 20 mindən çox obüs və minaatan, həmçinin 29 min 509 xüsusi hərbi texnikanın məhv edildiyi qeyd olunub.
Qeyd edək ki, Rusiya Müdafiə Nazirliyi, dünən Donetsk vilayətindəki Novıy Trud məskunlaşma məntəqəsinin də ələ keçirildiyini açıqlayıb.
Seymur BƏNNAYEV
Bizi Telegram-da izləyin...
