Suriyadakı ələvilər gələcəyə ümidlə baxır - Şeyx Hətəm
Suriyada Ələvi icmasının tanınmış liderlərindən olan Şeyx Hətəm, ölkədəki yeni dövrdən ümidli olduğunu bildirib.
Redaktor.az xəbər verir ki, Şeyx Hətəm, keçmiş rejimi "zülm edən bir sistem" olaraq xarakterizə edərək: "Bu mərhələdə bizə zülm edən rejimdən ədalət yaşaya biləcəyimiz bir sistemə keçdiyimizi görürük", - deyə vurğulayıb.
Yeni rəhbərlikdən böyük gözləntiləri olduğunu ifadə edən Şeyx Hətəm, Ələvilərin özlərini azlıq kimi deyil, Suriyanın vacib bir hissəsi olaraq gördüklərini qeyd edib:
"Biz, bu cəmiyyətin əhəmiyyətli bir parçasıyıq və indi daha ədalətli bir gələcək üçün birləşmək zamanıdır".
Suriyadakı bütün məzhəblərə müraciət edən Şeyx Hətəm, həmrəyliyin vacibliyini vurğulayıb:
"Gəlin əl-ələ verib hər yerdə birlikdə çalışaq. Bu vətən hamımızındır".
Şeyx Hətəmin açıqlamaları, Suriyanın yeni dövrdə sülh və birlik istiqamətində atacağı addımlara dair böyük ümidlərin olduğunu göstərir.
Seymur BƏNNAYEV
Bizi Telegram-da izləyin...
