Tramp Baydeni hakimiyyətin ötürülməsinə mane olmaqda ittiham ETDİ
ABŞ-nin yeni seçilmiş prezidenti Donald Tramp deyib ki, hazırkı prezident Co Bayden hakimiyyətin keçidini çətinləşdirmək üçün “mümkün olan hər şeyi” edir.
Redaktor.az xəbər verir ki, o, bu barədə "Truth" sosial şəbəkəsindəki səhifəsində yazıb.
“Bayden keçid prosesini çətinləşdirmək üçün əlindən gələni edir, o cümlədən, görünməmiş məhkəmə çəkişmələri və bahalı, gülünc icra sərəncamları... Qorxma, bu “fərmanlar” tezliklə ləğv ediləcək və biz yenidən sağlam düşüncəli və güclü bir millətə çevriləcəyik", - Tramp deyib.
Qeyd edək ki, Respublikaçı Donald Tramp 2024-cü il noyabrın 5-də keçirilən prezident seçkilərində qalib gəlib. Onun andiçmə mərasimi yanvarın 20-də Kapitolidə keçiriləcək.
Turan İSMAYIL
Bizi Telegram-da izləyin...
