Husilər Təl-Əviv və Aşkelondakı hədəflərə PUA-larla zərbələr ENDİRDİ
Yəmənin “Ənsar Allah” üsyançı hərəkatından olan husilər İsrailin Təl-Əviv və Aşkelondakı hədəflərinə pilotsuz təyyarələrlə zərbələr endirib.
Redaktor.az TASS-a istinadla xəbər verir ki, bu açıqlama ilə qiyamçıların hərbi nümayəndəsi Yəhya Sariya çıxış edib.
"Bu gün günortadan sonra Hərbi Hava Qüvvələri iki əməliyyat həyata keçirib, birincisi zamanı iki pilotsuz uçuş aparatından istifadə etməklə işğal altındakı Yaffada (Tel-Əviv - red.) İsrailin düşmən hərbi obyektinə zərbə endirilib", - silahlı qüvvələrin nümayəndəsi bildirib.
Saria əlavə edib ki, Aşkelondakı "vacib hədəfə" qarşı daha bir pilotsuz təyyarə buraxılıb.
Turan İSMAYIL
Bizi Telegram-da izləyin...
