Məşhur aktrisanın ssenarist və rejissor həyat yoldaşı evində ölü TAPILDI
Aktrisa Aubrey Plazanın rejissor və ssenarist həyat yoldaşı Jeff Baena, Los-Ancelesdəki evində ölü tapılıb.
Redaktor.az xəbər verir ki, 47 yaşlı Jeff Baenanın ölüm xəbəri sənət dünyasında dərin təsir yaradıb. Los-Anceles County Tibbi Ekspertiza Bürosunun məlumatına görə, Baena cümə səhəri evində ölü tapılıb.
Hazırda ölümün dəqiq səbəbləri məlum deyil. Səlahiyyətlilər istintaqın davam etdiyini və yekun hesabatın yalnız iş tamamlandıqdan sonra açıqlanacağını bildiriblər.
Qeyd edək ki, O, "The Little Hours" kimi qara yumor janrında müstəqil filmləri ilə məşhur idi.
Seymur BƏNNAYEV
Bizi Telegram-da izləyin...
